المشاركات
لكن كل الفرحة دي ممكن تضيع وتتحول لحزن يدوم لسنوات اطول من اللي قضيناها ف الظلم ....بجد ما تستغربوش....اه والله ........مش تشاؤم ولا تسبيط للعزيمة لكن انا بقول كده لان جاء الوقت للبناء والانتباه لمصلحة مصر ...لازم نخلي بالنا على مصر كلاب النظام السابق وغيرهم من اللي ليهم مصلحة في دمار مصر وزعزعة امنها بيحاولوا يخربوها ويسرقوا اثارها وكمان يشعلوا الفتنة الطائفية .
اي حد عنده فكرة لتغير مصر للاحسن في اي مجال يحاول يوصلها للمجلس العسكري او مجلس الوزراء او ائتلاف شباب الثورة ..ياجماعة الموضوع ده مش صعب من خلال الفيس بوك.كلهم بيتابعوا الاراء والافكار اللي بتتبعت لهم عليه وبيهتموا بيها جدا.
كل واحد يسأل على جاره وزميله وصديقه المسيحي.
نحاول نحمي الاثار.
ما نخافش من البلطجية بالعكس نخوفهم ونرعبهم لان احنا اصحاب الحق.
لازم نتكاتف مع الشرطة والجيش ونحمي بلدنا وارضنا ونحافظ عليها .
اللي ضاع كتير لكن الموجود اكتر بكتير....مصر ارض الكنانة
حماها الله وذكره في كتابه ووعد بأمنها لاخر الزمان.
ووصى بها وبأهلها رسوله الكريم.
محدش يخاف يلا نبني ونحافظ على بعض علشان نحافظ على مصر.
طبعا محدش ينسى الاستفتاء على الدستور يوم 19 مارس لكل مصر بلغ 18 عام فأكثر بالبطاقة الشخصية في اقرب مكان لمحل الاقامة الموجود في البطاقة.
اصواتنا امانة وهنشارك في بناء مصر محدش هياخد لنا قرارات تاني
 |
| بلد السلام والامان |
ليست هناك تعليقات:
إرسال تعليق